I'r rhan fwyaf o bobl, mae'r Nadolig yn gyfnod o ddathlu ac yn gyfle i dreulio amser gyda theulu a ffrindiau. Ond i lawer o bobl hŷn, mae’r Nadolig yn gyfnod anodd, gyda 84,670 o bobl hŷn yng Nghymru yn dweud y byddan nhw'n bwyta cinio Nadolig ar eu pennau eu hunain eleni.
Mae unigedd yn rhy gyfarwydd o lawer, gyda mwy na 112,200 o bobl hŷn yng Nghymru yn teimlo mai Dydd Nadolig yw diwrnod anoddaf y flwyddyn, a bron i 98,000 yn teimlo'n fwy ynysig ar Ddydd Nadolig nag unrhyw ddiwrnod arall.
Ni ddylai neb gael eu hanghofio.
Drwy gyfrannu at ymgyrch Nadolig Partneriaeth Age Cymru, (Age Cymru, Age Cymru Dyfed, Age Cymru Gwent, Age Cymru Gwynedd a Mon, Age Cymru Powys, Age Cymru West Glamorgan) gyda'ch cefnogaeth chi, gallwn barhau i fod yma i bobl hŷn sy'n byw yn eich cymuned. Gyda'n gilydd, gallwn fynd i'r afael â'r argyfwng unigrwydd.
Gyda'ch rhodd, gallwn barhau i ddarparu gwasanaethau hanfodol er mwyn ymateb i’r argyfwng unigrwydd a helpu i ddarparu cyfeillgarwch a chefnogaeth i'r rhai sydd ei angen fwyaf.
Bydd eich cefnogaeth yn ein galluogi i barhau i ddarparu gwasanaethau Cyfeillgarwch a Gwybodaeth a Chyngor hanfodol, gan ganiatáu i bobl hŷn elwa o gwmnïaeth a chyfeillgarwch trwy weithgareddau grŵp, digwyddiadau cymdeithasol, a chyswllt gan ein gwirfoddolwyr cyfeillgar a chefnogol.
Bydd eich help hefyd yn sicrhau bod pawb yn derbyn y cymorth sydd ei angen arnynt i helpu gydag ystod o faterion sy'n effeithio ar bobl adeg y Nadolig, megis cefnogaeth ar gyfer pobl sydd wedi dioddef profedigaeth, costau cartref, gofal a chymorth, neu rydyn ni’n ceisio deall pa gymorth sydd ar gael yn eu cymuned leol.
Bydd unrhyw gefnogaeth yn cael effaith sylweddol ar fywydau'r 112,200 o bobl hŷn yng Nghymru sy'n teimlo eu bod yn cael eu hanghofio adeg y Nadolig.
